首頁 »
2020/01/09

*親密接觸嗌舒服 錢嘉樂失初吻胸襲蝦頭*

親密接觸嗌舒服 錢嘉樂失初吻胸襲蝦頭





錢嘉樂同蝦頭合作舞台劇。





蝦頭話同錢嘉樂排兩句就會笑到踎低。





幾好笑容!



 

錢嘉樂仲會被蝦頭搶去舞台初吻。





好大犧牲!





蝦頭都會有樣嘢獻畀錢嘉樂。





錢嘉樂出「揸波龍爪手」。





蝦頭都有擺Chok甫!





蝦頭、監製潘嘉德、錢嘉樂

  藝人錢嘉樂、蝦頭(楊詩敏)及監製潘嘉德,日前為舞台劇《今晚打老虎》綵排,嘉樂影相時搞笑作狀擺出「揸波龍爪手」的甫士。兩人排了一日進展順利,講到劇中嘉樂被蝦頭搶去舞台初吻,蝦頭笑言都會有樣東西獻給嘉樂,但兩人秘而不宣,嘉樂懶神秘說:「咁大範圍都唔中?」監製忍不住踢爆:「你睇吓頭先嘉樂隻手點樣就知。」嘉樂解釋:「條路就係咁㗎啦,但會點樣呢?呢個係開心劇,係樂而不淫嘅。」蝦頭亦說:「唔係你哋諗咁咩嘅。」
 
  「第一次獻咗畀佢」
 
  問到劇中有錫戲等親密接觸可會尷尬?嘉樂說:「冇嘅,同佢做好舒服,佢非常專業。」問到排戲時可忍不住爆笑?蝦頭說:「我每次同佢排完戲,我牙骹都好痛,我同佢排兩句就會笑到踎低,捱唔到呀!(到時正式演出怕唔怕都係咁?)其實佢冇事嘅,係我渣啲,佢實在太有幽默感。」講到劇中要紮胸演出,她表示排練時不用紮,但笑說:「如果綵排紮住到時細咗都幾好。(你好大犧牲?)唔緊要啦,好快會大番,呢啲時大時細。」
 
  蝦頭又開心謂劇中可以與嘉樂和袁偉豪合作:「有兩大型男伴住做舞台劇,真係唔多機會!(有冇乘機摸佢哋?)我哋有好多肢體接觸。」嘉樂笑言不覺蝕底:「我哋為舞台去到好盡。」蝦頭又透露排練時有一幕很驚喜:「我企喺度準備懸樑自盡,之後嘉樂一手抱起我,我覺得好Man呀!冇男人咁樣一手抱起過我,第一次就獻咗畀佢。」嘉樂說:「佢本身仲諗住使唔使企喺張櫈度,即係懷疑我唔夠力,所以我就要表達出嚟,之後所有嘅排練就順利好多。」


*迪麗熱巴化身性感美人魚 Baby黃金甲晒咪咪*←上一篇 │首頁│ 下一篇→*Avril Lavigne宣布明年5月來港開騷*