首頁 »
2019/11/29

*兩年抱兩!何猷啟太太懷第二胎傳佗B八個月*

兩年抱兩何猷啟太太懷第二胎傳佗B八個月





恭喜晒!





兩年抱兩!





囡囡做家姐喇!





何超蓮開心表示再做姑媽。





一家三口就快增添一名成員喇!

  賭王何鴻燊三房兒子何猷啟去年與內地女友GiGi秘婚,除咗宣布榮升人夫之餘,同時做埋囡囡嘅爸爸,可謂雙喜臨門,現年囡囡一歲多,估唔到已經做家姐喇!有指太太GiGi成功懷有第二胎,現時佗B八個月,預產期為11月,都係囡囡!日前何猷啟一家三口連工人姐姐被拍到出外行街,見到GiGi雖然腹大便便,但行動依然見步如飛,當活潑好動嘅囡囡一行開,隨即趕上照顧,期間更輕撫腹部,散發母愛。
 
  大方認太太佗女
 
  何猷啟就太太再有喜回覆東網,大方認太太佗女,問到他天生外父相時?他初不明所指,後才笑說:「都無乜所謂嘅,開心事。(計劃之內?)係計劃,後生啲,同埋想兩個有個伴。(GiGi依家幾個月?)唔方便講,出世先講。(囡囡知道做家姐未?)知,佢好開心,有摸媽咪個肚。」
 
  超蓮開心再度做姑媽
 
  何猷啟龍鳳胎胞姐何超蓮再度做姑媽,東網記者透過電話訪問,她回覆:「好開心!好開心!我哋屋企人知道咗一段時,戥佢哋好開心。不過佢哋好低調,等佢哋自己答你啦。」

關鍵字: 雙喜臨門 記者 訪問

*貨不對辦 新垣結衣走樣變大媽?*←上一篇 │首頁│ 下一篇→*城島茂晒情侶戒想結婚 長瀬智也再傳走人*