首頁 »
2019/09/30

*血肉外翻超恐怖 范瑋琪撞爆下巴縫15針*

血肉外翻超恐怖 范瑋琪撞爆下巴縫15針





睇見都覺得痛!





個傷口好大~





超深見到肌肉組織~





縫咗15針。





2014年范瑋琪試過撞爆眉角縫針。





范瑋琪上戴新相,唔覺下巴傷痕。





留言感謝大家嘅關心。

  台灣女星范瑋琪成日都會跌親搞到周身瘀傷,啱啱凌晨佢喺社交網話再次仆低見紅,今次撞傷咗下巴位置,仲上載照片畀大家睇,傷口約兩吋但係好深,皮肉外翻入面啲肌肉組織都見到,血淋淋好恐怖,即時去咗醫院接受治療,結果縫咗15針,佢留言話:「謝謝醫生幫我縫的很仔細!明天還要參加時尚活動,希望大家不要嚇到!」好多粉絲都話畀范瑋琪嚇親,仲留言祝福偶像快啲好番。
 
  其實范瑋琪仆低入院縫針已經唔係第一次,早幾年一晚凌晨去廁所時,失足跌倒撞爆咗眉角,最後喺醫院前後縫咗25針,當時因為佢眼部有明顯瘀痕,網民曾經一度懷疑佢係受到老公陳建州(黑人)家暴。
 
  今朝黑人就上載老婆縫針相同傷口相,真係嚇親隔籬,黑人仲笑言以後都係開燈瞓覺算喇:「昨天深夜范范又摔了一跤,下巴摔了一個洞,當下緊急打給認識的診所,謝謝醫生在最短的時間內幫范范縫合好傷口⋯ 以後還是開燈睡好了⋯