首頁 »
2019/09/30

*自爆有恐慌症 宣美為避追求者而改電話*

自爆有恐慌症 宣美為避追求者而改電話





宣美在《黃金漁場》解釋自己「高冷」的理由。





宣美指會為了拒絕追求者而改電話。





宣美





宋有彬話自己因為宋仲基而繼續做歌手。

  最近推出新歌《LALALAY》的韓國女歌手宣美,昨日與女歌手白智英及曾參加選秀節目《Produce X 101》的前男團MYTEEN成員宋有彬為MBC節目《黃金漁場》擔任嘉賓。
 
  有「演藝界高冷女」之稱的宣美被主持指經常拒絕其他人的追求,宣美就自爆曾為了避追求者而改電話:「如果有人打嚟,我會索性改電話,成日有人通過我朋友問我電話,我就叫朋友同對方講我已經有結婚對象。」宣美又指試過有人用我私訊向她表達好感,但她不會回覆對方:「雖然我唔答佢,但佢仲係定時send私訊畀我,因為太驚所以封鎖咗佢。」當主持問宣美為何總是拒絕追求者?宣美就指:「如果我鍾意對方,我會主動接近,我拍拖係比較長情,唔係咁容易同人一齊。」
 
  宣美又講到自己患有恐慌症,因為專輯要自己包辦製作,令她承受過大負荷:「我見到舞台照明就會出現恐慌症狀,雙眼冇辦法聚焦,仲會係咁震,我雖然好少喺台上出錯,但嗰次真係冇辦法,覺得好大壓力。」而一直維持在86磅的宣美早前努力增肥至110磅,她透露有食補充劑和營養劑,加上做運動和有規律地食飯,所以成功增磅,現時十分健康。
 
  至於宋有彬早前被爆出與女歌手金昭希的咀相,當時事務所澄清二人已經分手,而宋有彬昨晚在節目中就大方談及該事:「的確係有拍過拖,已經分咗手。」曾因為星途麻麻,加上失聲而試過想放棄做歌手的他,竟表示因為宋仲基而決定繼續唱歌:「最近去咗算命,算命師話不久之後就會有起色,仲話望到巨星宋仲基。」

關鍵字: 節目 專輯 主持

*專業水準!姜皓文低潮期做過冰室沖奶茶*←上一篇 │首頁│ 下一篇→*壽星點解派利是?黃日華落場踢波慶58歲*