首頁 »
2019/09/06

*富爸爸泵水開娛樂公司力捧 柯震東照撻Q*

富爸爸泵水開娛樂公司力捧 柯震東照撻Q





做生意最緊要睇長線!





今年先28歲嘅柯震東,仲有機會翻身嘅!





柯爸爸(右一)為咗阿仔,真係又出錢又出力,可惜…

  28歲台灣男星柯震東上個月先晒自拍賀出道8周年,今日就有媒體爆料指佢嘅台灣商人老竇柯耀宗為咗仔仔真係出盡力,先後重金投資大仔柯家洋成立音樂製作公司,連夜店「Asylum」亦交付大仔管理,而細仔柯震東則成立「禾豐九路」娛樂公司,該公司投資嘅第一部電影係由導演趙德胤與吳可熙共同編劇嘅《灼人秘密》,主要演員為吳可熙、宋芸樺、夏于喬等。
 
  《灼人秘密》製作費約新台幣6000萬元(約港幣1千5百萬元),投資3000萬元(約港幣750萬元)的柯爸成最大股東。該片上映前備受矚目,仲入圍第72屆坎城影展「一種注目」競賽單元,劇組浩浩蕩蕩前往坎城參加首映,相當風光,點知上映後票房仆直,最終以新台幣600多萬元(約港幣150萬元)黯然下檔,柯爸肯定荷包大失血。


*赴日宣傳 里奧勒度凸腩同女友東京拍拖*←上一篇 │首頁│ 下一篇→*自爆係粉絲 高素榮望囝囝大個似姜丹尼爾*