首頁 »
2019/09/05

*喪食備戰環島游!方力申自嘲做下靶送歡樂*

喪食備戰環島游!方力申自嘲做下靶送歡樂





方力申將會為慈善而挑戰環島游





方力申依家一星期練6次水!





仲為咗今次極限挑戰而豁出去喪食!





等完成創舉先再慢慢減磅。





方力申自嘲一直以嚟都係處於「下靶位」。





但佢只會諗個節目效果好唔好,有冇帶到歡樂畀大家。





最緊要觀眾睇得開心!





方力申一直有飛魚王子之稱。





環島游加油呀!

  藝人方力申(Alex)兩個月後將為慈善挑戰環島游,為求保持最佳狀態,故半年前已開始緊密排練,一星期練6次水,笑言絕不臨急抱佛腳!但他指游水是一項高度燃燒體能的運動,最近都「食大咗個胃」,自認對澱粉質容易敏感的他,為今次極限挑戰,決定豁出去喪食,完成創舉之後先慢慢再減磅。提到目前已籌得的善款數字,Alex表示距離目標450萬,已成功達一半成績,有信心在餘下的時間爆Quota!
 
  期待再拍《美女廚房》
 
  講起Alex最近經常參加遊戲節目,問到玩遊戲時會否好好勝?他自嘲一直以來都是處於「下靶位」:「只會諗個節目效果好唔好,有冇帶到歡樂,我唔介意輸,但輸就要輸得徹底先搞笑,最緊要開心!」他又指對「藝人」身份感到自豪:「入行做藝人就係要帶歡樂畀大家,娛樂觀眾係我嘅職責,所以好少接啲太文藝、災難、悲傷嘅戲,做過嘅綜藝節目例如《美女廚房》都係好歡樂。(之前有講過想再拍,安排緊?)半講笑半講真啦,都想再一齊度嘢,出街都有好多人問我幾時開拍,但要實行都唔係容易,依家都有重播番,自己都有睇,就算我啲游水學生,5、6歲都有睇!如果再拍係成事,自己都會好期待。」


*Justin Bieber翻查族譜爆同Avril有親?*←上一篇 │首頁│ 下一篇→*珍妮花露柏絲做脫衣舞女晒舞功*