首頁 »
2019/09/04

*楊冪生日宣布新戀情?緋聞男友留言露玄機*

楊冪生日宣布新戀情緋聞男友留言露玄機





仲有十日……





佢哋着住侶鞋去睇展覽。





就係咁傳出緋聞。





魏大勛講過好迷戀楊冪。





如果真係拍拖,魏大勛仲唔係「願望實現」!



 

楊冪9月12日踏入33歲。





魏大勛留言。

  近日內地傳出有一對藝人即將公開戀情嘅消息:「七夕被拍到的一對兒在女星生日時公開。」之後再補充話:「該女星之前婚姻口碑不好,會等一段時間公開。男星路人緣還可以,七夕試水路人反應還可。團隊在準備。」係種種提示之下,唔少網民都推測係,早前喺七夕被影到着住情侶裝睇展覽嘅楊冪同魏大勛!
 
  成件事爆料者未有提供進一步證據,網民即時搜尋有冇相關嘅蜘絲馬迹,喺魏大勛嘅微博發現佢留言話:「9月12日,花好月圓的日子,我預感願望一定都會實現!」網民第一反應係9月12日正正就係楊冪33歲生日,佢之前講過話迷戀楊冪超過10年,套落佢嘅留言「願望實現」,即刻覺得宣布拍拖呢件事好似通順晒,但其實佢嘅微博係配埋一張電影海報,留言只係話套戲喺9月12日終於上映,不過唔少網民都堅信佢哋會公開戀情,究竟係咪真十日後自有分曉!


*爛鞋照着好慳家 迪麗熱巴出遊晒靚相*←上一篇 │首頁│ 下一篇→*煙花裝置爆炸!西班牙女歌手Joana Sainz身亡*