首頁 »
2019/09/04

*唔怕身份尷尬!胡定欣力撐「阿嫂」陳慧珊*

唔怕身份尷尬胡定欣力撐阿嫂陳慧珊





胡定欣話入行時陳慧珊好照顧佢,所以一定要支持!





胡定欣(左)同好姊妹黃智雯(右)一齊現身支持陳慧珊個新節目。





唔知胡定欣(左)同黃智雯有冇向公司備案呢?





胡定欣認為自己嘅演出會影響下一代。





係身教嘅一種,所以覺得自己有使命更加要做好!

  藝人胡定欣今日出席由陳慧珊(Flora)製作的節目《放學後》首映,她稱跟Flora結緣於其首套劇集《衝上雲霄》,對方在劇中飾演她的嫂嫂:「佢今次打畀我叫我嚟支持,我聽到個節目係關於下一代嘅教學,我好替佢開心,覺得好有意義,佢依家冇拍劇,喺教育專業進修,好有意思。佢作為藝人,好有影響力,希望節目可以幫助家長教育下一代。」問到是否想成為家長?她笑言:「咁要有個異性先得。其實我拍劇嘅身份都會對小朋友有影響,佢哋會好投入同留意劇集,令我感受到自己有個使命,我個身份雖然係演員,但演出會影響下一代,即係當日我嘅偶像會影響我嘅成長經歷,係一個身教,所以我更加要做好。」
 
  對於該節目在電視播出,身為無綫藝人的她來支持會否身份尷尬?她稱只是來支持Flora,覺得不需要太介意,至於會有否跟公司備案?她說:「好簡單,唔使諗到咁複雜。Flora花咗幾年時間製作,我一定要支持,我入行時佢好照顧我。」
 
  另外,提到主演的劇集《包青天再起風雲》近日大結局,但有不少網民指睇唔明,定欣表示:「網上有好大反應,我好開心,證明大家係有睇劇,我好surprise同開心大家有呢個反應。拍攝時,結尾嗰場係想留有伏線,畀大家感覺係有第二輯,雖然唔知有冇第二輯,最後一場似係另一個故事嘅開始,咁都多謝大家支持。(但觀眾睇唔明係咩意思?)做演員有時都未必明,幾好有個話題,留下個印象畀大家都係好,拍劇嘅時候好難忘同開心。」
 
  講到日前定欣被東網拍到連續兩日穿同一套衫出街,定欣笑言有換衫:「我返屋企沖涼後有換衫,不過落一落街就唔需要太考究,我慳家。(下次出街會唔會執正啲?)我冇所謂,做人簡單啲幾好。」


*囝囝肥嘟嘟!劉詩詩湊B要做暑假作業?*←上一篇 │首頁│ 下一篇→*爛鞋照着好慳家 迪麗熱巴出遊晒靚相*