首頁 »
2019/06/27

*李兆基7月初舉殯 遺孀已平復心情*

李兆基7月初舉殯 遺孀已平復心情





好友透露李兆基太太早有心理準備,現時心情已平復。

  有影壇「四大惡人」之稱的藝人李兆基(基哥)本月初因肝癌病逝,其好友今日公布基哥的喪禮事宜:「因為個火化場仲未畀到日期,喪禮預計7月5或7月9日喺鑽石山殯儀館舉行,我哋預備咗二百幾枝花,希望基哥嘅朋友可以過嚟獻花。(基哥太太嘅心情平復未?)平復咗,因為佢唔係突然走,大家都有心理準備。(電影界有冇人話幫手?)好多,演藝人協會嘅主席古天樂打咗好多次問有咩可以幫手,我話已經搞得七七八八,你嚟就可以喇,佢呢份心意勝過任何嘢,佢嚟到就最好。」他又回想跟基哥相識60年,大家一齊成長,他在基哥最後的日子在醫院握着對方的手說:「你唔係壞人,你係好人,佢好有善心,經常做義工,對電影界亦有交代。」

關鍵字: 藝人 心情

*【認錯人上錯車】陳喬恩大懵無極限*←上一篇 │首頁│ 下一篇→*駿王跑第尾 蘇志威:佢話唔鍾意咪唔跑*