首頁 »
2019/06/27

*【認錯人上錯車】陳喬恩大懵無極限*

認錯人上錯車陳喬恩大懵無極限





其實好可愛!





陳喬恩拍完節拍走人。





點知將學生認錯做工作人員,仲上咗車傾咗一輪偈。





學生妹讚陳喬恩好好傾。





邊似40歲。

  台灣女星陳喬恩一向演開精明硬朗角色,但係現實嘅佢反差好大,時不時有爆笑大懵嘢發生,好似試過自拍時牙罅攝住條菜,呢日佢又嚟料,話說拍完節目走人,臨上車前向圍觀粉絲揮手好親切,跟住上車離開,成件事睇落好普通,但原來佢認錯工作人員上錯車,一直都冇為意揸車嘅只係一位學生,佢哋仲不停傾偈,之後位學生喺社交網問有冇人影到佢載住陳喬恩嘅相,話要留念之餘仲留言話:「剛剛陳喬恩坐了我的電動車!!!有同學拍到嗎請發給我!」諗真啲如果載佢嗰位唔係好人,咁就好易會出事,睇嚟陳喬下次都要小心啲先得。

  有喺現場嘅學生發文話見到陳喬恩真人之後,發現佢同網上圖片冇乜分別,仲讚佢零修圖情況下都咁靚女,點睇都唔似已經40歲!


*唔只群姐!大小姐都係歐陽震華死忠*←上一篇 │首頁│ 下一篇→*李兆基7月初舉殯 遺孀已平復心情*