首頁 »
2019/06/24

*自認緊張父母!陳凱琳爆囝囝似足嘉穎咁怕…*

自認緊張父母陳凱琳囝囝似足嘉穎咁怕





陳凱琳話囝囝似足老公鄭嘉穎咁怕熱,一熱就扭計!





陳凱琳話自己怕凍多過怕熱。





不過都試過夏天拍古裝熱到中暑!





一講起個仔,陳凱琳就笑得勁冧!





BoA





BoA

  藝人陳凱琳出席品牌活動,講到現場環境侷促悶熱,她表示之前試過露天地方工作,但室內就是第一次咁熱,笑言:「但都OK,因為我係怕凍嘅人,我諗我呢身裝扮喺呢度20分鐘係極限。」問到囝囝Rafael可是都怕熱?她表示:「好怕熱,一唔開冷氣佢就扭計,似佢爸爸(鄭嘉穎)都係怕熱,一熱就扭計,之前佢喺橫店拍劇都要攞三把風扇吹住,特別係我哋夏天拍古裝,着住6層衫。(你有冇試過中暑?)試過,之前喺橫店拍《包青天再起風雲》,我初頭唔知自己中暑,但係有啲頭暈同埋想嘔,點知原來係中暑,之後佢哋就即刻畀水我,叫我上架車度涼下,抖咗半日就冇事。」

  讚阿仔出街好乖

  講到日前首次帶囝囝一家三口出街,她表示:「係呀,因為嗰日佢啱啱滿3個月,我哋係『緊張父母』,所以3個月先帶佢出街,特登晏晝四、五點先出,冇咁曬,帶齊晒奶樽、尿片啲裝備,點知一出到街佢就瞓着咗,早知早啲帶佢出街,原來佢出街係咁乖。(有信心之後多啲帶出街?)冇問題,嚟緊都會帶多啲,覺得簡單就是福。」問到可介意囝囝樣貌曝光?她表示:「嗰日出街我都有係咁周圍望,但大家都畀空間同自由度我哋,一家人出街冇受騷擾。」此外,同場還有韓國女歌手BoA。


*今日進行審訊 法院駁回對勝利拘留令*←上一篇 │首頁│ 下一篇→*獨遊西藏!田蕊妮「旅伴」現高山反應死咗*