首頁 »
2019/05/02

*【榮升太嫲】肥媽半夜收BB相:邊鬼個?*

榮升太嫲肥媽半夜收BB相邊鬼個





肥媽做咗太嫲自己都唔知。





肥媽有成15個孫,真係抱曾孫都抱到手軟。





肥媽親自下廚煲薑醋慰勞孫新抱。

  藝人肥媽(Maria Cordero)今日現身力撐好友張學潤及路芙的網台節目,席間開心宣布榮升做太嫲,更自爆得悉好消息時矇查查,十分蝦碌爆笑:「尋晚半夜臨瞓前收到一張BB相,話出咗世啦,我睇完仲話好得意、咁多頭髮嘅,點知邊鬼個啫!之後佢哋就話係我個曾孫,我就話咁快?等我仲諗住做太婆先,因為孫女又結咗婚。(開心到瞓唔着?)醒咗諗住去睇佢,但佢話痛咗20個鐘之後要開刀好攰,今日做完嘢先去探,估計到出年年頭會做埋太婆。」

  為賀首名曾孫出世,廚藝了得的肥媽當然要親自下廚煲薑醋,表示即刻去買材料炮製:「佢生之前冇話畀我聽,如果唔係就一早準備好。(一聲令下叫所有人幫手?)係佢哋一聲令下叫我煲薑醋,哈哈!(有冇送啲咩畀曾孫?)規矩都係送一隻玉鈪定驚同埋腳鏈,呢啲冇偏唔偏心。」

  肥媽又笑稱早前胡楓向她炫耀有4名曾孫:「我依家有一粒(曾孫),年底、明年應該會多一粒(曾孫)!向住佢4粒(曾孫)呢個目標,但我應該唔止4粒(曾孫),我孫都有15個!」

關鍵字: 節目 藝人 目標

*新片講中國女排 陳可辛選角有意起用運動員*←上一篇 │首頁│ 下一篇→*傳有人要求出聲明撐安仔 心死Sammi唔回覆*