首頁 »
2019/04/05

*【自稱中國人前夕】歐陽娜娜喺美國做乜?*

自稱中國人前夕歐陽娜娜喺美國做乜





歐陽娜娜似乎心情好靚!





歐陽娜娜一邊拍片一邊食嘢。





好可愛。





歐陽娜娜敷住Mask煮飯。





歐陽娜娜素顏都見得人。





歐陽娜娜三月去咗美國生活。





化咗妝好Sharp醒。

  18歲嘅台灣藝人歐陽娜娜自從喺微博自稱係中國人後,沉寂咗一段時間,日前佢終於喺網上露面,分享自己三月喺美國日常生活嘅短片。片中揭露佢喺微博高呼「我是中國人」前一晚做咗啲咩,不過佢未有提及敏感嘅身份問題。

  影片開頭見到娜娜一邊聽音樂,一邊下廚煮麵,煮完仲對住鏡頭傾偈。當佢諗住同觀眾分享朝早發生嘅事情時,但突然「失憶」咩都唔記得晒,反應十分可愛!佢食飽之後仲好乖自己洗碗,原本諗住洗15分鐘嘅佢,點知洗足半個鐘。去到第二日,佢就拋開偶像包袱,敷住面膜上鏡,然後一如以往聽住歌煮晚飯,幾日後佢仲去咗朋友屋企黐餐。除咗家居生活之外,佢亦有拍攝早前工作情況,片中見到娜娜與其他同事討論將於4月中喺波士頓Berklee舉辦嘅音樂會、配音等工作。嚟到3月20日,即係佢喺社交網表態「我是中國人」前一日,當時佢為雜誌拍攝封面,心情大好!

  呢條短片一出,好多網民都為娜娜加油打氣,希望佢唔好畀負面評價影響心情,有粉絲更激動留言:「8天沒動態了,我以為你不要我們了呢」,娜娜即安慰粉絲:「怎麼會不要呢♥」

  網民有話兒

  Caxxxx Thxx:娜娜加油加油

  蕭雯萱:喜歡的是你這個人,你的個性,而不是你是哪國人

  Juxxxxxxxx Huxxxxx:一个禮拜沒看到你vlog 真的真的好想你

  Sxxx Txxx Chxx:我好喜歡這種vlog,看了感覺好舒服


*抱B公布喜訊!五月天阿信:陳媽媽如願了*←上一篇 │首頁│ 下一篇→*搵楊峰唱歌助興 梅媽出錢請老友記食飯*