首頁 »
2019/04/01

*同李政宰來港!鄭雨盛自認係暖男*

李政宰來港鄭雨盛自認係暖男





李政宰同鄭雨盛嚟咗香港啦!



 

李政宰同鄭雨盛都想去藝術展。





鄭雨盛自認係暖男。



 

你話係唔係呢?





李政宰幾好笑容。





揮手打招呼!

  韓國男星鄭雨盛同李政宰應品牌邀請嚟香港出席活動,率先欣賞藝術家為品牌創作嘅藝術品。李政宰話好期待睇到有咩作品,而鄭雨盛話其實舊年都有應品牌邀請嚟過香港,所以好開心今年可以再嚟。講到佢兩個有冇收藏藝術品,兩位型男不約而同話冇,所以都想去藝術展睇吓有咩心頭好可以買。

  講到近日鄭雨盛同韓國女星金香奇,主演嘅電影《證人》將在香港上映,金香奇早前來港宣傳嗰陣,大讚鄭雨盛係暖男,鄭雨盛聽完就話:「佢講得好啱,我都冇因為佢年紀細而特別照顧佢,相反覺得佢分析角色好好,喺佢身上學咗好多嘢。」

  講到兩位相識22年,問到當中有咩難忘事,鄭雨盛話:「我哋係拍一套電視劇而認識,冇諗過友誼可以延續咁耐。(相處時候有咩做?)男人都係食飯飲酒同傾偈,我哋嘅友誼唔使做啲乜,靜靜哋見過面其實都OK。(嚟到香港都飲酒?)成個行程都係Keep住一齊食嘢同做嘢。」

關鍵字: 女星 證人

*王祖藍攬女散步喪啜 李亞男拍片大讚暖爸*←上一篇 │首頁│ 下一篇→*《男朋友》朴寶劍見家長!喬妹廣告騷心口*