首頁 »
2019/03/18

*使盡25萬擺大壽 95歲梅媽開心跳老舞*

使盡25萬擺大壽 95歲梅媽開心跳老舞





梅媽豪使25萬擺大壽,收到好多貴重禮物。





梅媽興奮跳老舞,仲話:「老虎都可以打死幾隻。」





梅媽坦言已經晒25萬,一毫錢都沒有留下。





梅媽除收到好多金飾禮物外還收到好多大利是。





梅艷芳的哥哥梅啟明(右)貼身照料梅媽。

  已故藝人梅艷芳母親覃美金早前終獲法庭批准在梅艷芳遺產信託基金中撥款25萬來擺95歲大壽,梅媽終於如願於上周六在尖沙咀舉行壽宴,精神奕奕的她身穿着花旗袍,戴上珠鏈、玉手鈪、手鏈及耳環貴氣登場,兒子梅啟明、圈中友人楊峰、麥德羅等現身祝賀。好友送上金桃、金觀音等禮物擺滿枱上,梅媽更收到大大封利是,金光閃閃,氹得老人家笑到四萬咁口,興奮到極點,與賓客開心起舞。

  東網致電梅媽恭喜擺大壽,她中氣十足回答:「多謝!」她稱當晚筵開26圍:「係好開心,好耐冇咁多人。(生日願望呢?)世界和平,個個身體健康。」

  講到法官批出的25萬元講明要用支票直接給予酒家幫她擺壽宴,不會過梅媽手,問梅媽可夠錢支付?她說:「夠呀!(要唔要補貼?)唔使。(咁有冇使剩?)冇,使晒呀!」

  老虎都可以打死幾隻

  當晚壽宴好熱鬧,不少到場賓客給梅媽送上賀禮,又有金桃又有金觀音,梅媽表示已將全部禮物放回家中:「唔使放入保險箱啩,以前阿梅在生,啲金器就要放,依家呢啲唔使囉。」

  梅媽承認收到好多利是,都會留來看中醫,每月花四、五千元買補藥:「我依家睇緊中文大學嘅中醫,係教授睇我,佢哋好好,好尊重我。(身體如何?)睇咗兩年,係調理身體,教授話我依家老虎都可以打死幾隻。」


*愛犬離世 任家萱哭崩感激多年相伴*←上一篇 │首頁│ 下一篇→*遺孀余靜萍台灣策展 公開盧凱彤生前畫作*