首頁 »
2019/01/29

*演女女吻!低V謝安琪同仔仔傾性向問題*

演女女吻低V謝安琪仔仔傾性向問題





謝安琪係開明媽媽。





謝安琪會同仔仔傾性向問題。





咁就掂啦!





謝安琪低V吸睛!

  歌手謝安琪(Kay)出席護膚品牌活動,穿白色低V長裙的她明艷照人,相當吸睛。問為何性感上陣?她說:「係公司形象團隊揀畀我嘅,都好啱今日嘅主題。(平時黑衫多?)因為今日終於單頭出嚟。(性感多啲酬勞?)梗係唔係啦,適合今日嘅場合。(再性感啲都得?)睇場合,我自己唔刻意性感,睇好唔好睇。」問到老公張繼聰接受她性感?她說:「佢仲性感啦,佢着衫都好性感,有時着到啲衫好迫都唔錯。(佢唔干涉你性感?)我哋好少干涉對方工作同評論衣着。」提到日前他們一家四口去街,她說:「係呀,呢幾日終於覆完大家嘅祝賀,終於有時間同小朋友玩。(農曆新年會唔會都去玩?)會出埠呀,應該去啲東南亞熱帶地方,因為我哋成個人出動好多行李,咁樣可以帶少啲褸。」

  開明媽媽

  講到在新歌《沐春風》入面與舞台劇女演員韋羅莎(Rosa)錫錫,問仔仔睇完MV後可會有性向疑問?她說:「小朋友佢知道我嘅工作需要,佢有視野,好欣賞佢,佢細個就識欣賞唔同嘅藝術作品,對感情嘅嘢佢暫時好奇,但未講到咁深入,如果佢想知多啲男女或其他嘢,我都幾開明,好多討論,唔覺得拍個MV會震驚佢嘅世界,佢接受能力好高,會用好多方法理解,性格開明。(會教佢呢方面?)我哋有傾,日常生活會遇到性取向嘅問題,有人會選擇唔同嘅伴侶,佢咁細個就未講到自己,我哋家庭模式都畀咗穩健基礎佢理解。」問到老公可接受到她與女生錫錫?她說:「佢冇嘢㗎,佢畀好大自由度我嘅工作,我哋同Rosa都識咗好多年,好熟,唔會介意,我哋都鍾意出嚟個效果。」


*爆B女放電冧靚仔 王祖藍呷醋慘呻被冷落*←上一篇 │首頁│ 下一篇→*揮抵章子怡拍西片 范冰冰晒黑超復出*