首頁 »
2019/01/29

*爆B女放電冧靚仔 王祖藍呷醋慘呻被冷落*

B女放電冧靚仔 王祖藍呷醋慘呻被冷落





祖藍投訴囡囡冇本心,見到靚仔先識放電,見到爸爸就瞓覺…



 

祖藍呷醋呀!





何遠東(左起)、王祖藍、郭晉安、梁嘉琪





祖藍笑言要向同場嘅安仔取爸爸經。

  藝人王祖藍、郭晉安在將軍澳電視城接受《今日VIP》訪問,「新手爸爸」祖藍近期忙於湊B,他表示要趁機向郭晉安(安仔)取經:「依家係最幸福嘅時間,有外父、外母、陪月同工人姐姐照顧,阿男(老婆李亞男)就辛苦啲,要餵奶、換片,又要等傷口埋口,媽媽真係好偉大。」他自爆對住囡囡時戰戰兢兢,連餵奶都驚,亦未敢幫為BB換尿片:「始終係新手,好多嘢都驚,掃風都驚會箍到佢窒息。」

  投訴囡囡冇本心

  祖藍大爆囡囡見到靚仔會放電甜笑,但對爸爸就沒有反應,只顧睡覺,相當乞人憎,他笑說:「前幾日鄰居Jason(陳智燊)兩公婆嚟我屋企,Jason一抱佢、佢就放電,仲眼甘甘咁笑咗三吓,但對住我就瞓覺,我要望到佢笑,好似等孔雀開屏咁,冇本心,我梗係呷醋啦!」

  提及新年將至,祖藍笑謂今年終於可以交換「禮物」:「之前有出冇入,今年就可以交換禮物(利是)。」問可會帶囡囡亮相?他說:「大家拭目以待,拜年、百日宴大家都一定會見到。」


*半夜闖寓所!金在中自爆床上驚見私生飯*←上一篇 │首頁│ 下一篇→*演女女吻!低V謝安琪同仔仔傾性向問題*