首頁 »
2019/01/24

*擅加同張文慈咀戲 尹天照:錫一啖啫*

擅加同張文慈咀戲 尹天照錫一啖啫





太熟拍親熱戲係會尷尬!





張文慈笑言同君天照拍錫錫戲似亂倫。





尹天照拍遇溺戲差啲死。





好彩最後冇事。





張文慈同尹天照識咗好多年。





今次係第一次演夫妻。





原本劇本係冇錫錫,係尹天照自己加!





之前去咗台灣玩,點知張文慈一到埗就開始似病。





結果仲傳染咗家姐同姐夫。





何英偉。

  藝人尹天照、張文慈及何英偉等昨晚到旺角出席主演福音電影《奇蹟·13》的煞科宴。阿照與文慈相識多年,終於在該片內扮演夫婦,談到文慈曾表示與阿照拍親熱戲似亂倫,阿照笑答:「我有睇到,都唔算好親熱,錫咗一啖啫,劇本冇嘅,不過大家又唔係第1日出嚟拍戲。」

  阿照最難忘是其中一場潛水戲,要求他水底除下氧氣罩扮遇溺,要拍檔何英偉拯救。而阿照本身受過傷耳膜已穿,加上水壓種種,令情況相當危險,他更笑謂:「都真係會死㗎,當晚又好凍喎。件潛水衣緊到除唔到,最終我同何英偉匿喺洗手間度互扯先成功除甩好Hehe。」

  至於文慈則剛從台北旅行返港:「一去到就發高燒,依家傳染埋同行嘅家姐同姐夫,我做完嘢要睇醫生。」戲中她被巴士撞倒,本來一場嚴肅戲卻變成笑料:「架巴士駛埋嚟真係好貼,出於本能反應我走開,後尾醒起就S形兜返埋去,咪畀佢哋笑我囉!」而該片後期有大量特技畫面,大隊計劃上映時會到韓國舉行首映禮。


*吳鎮宇靚靚爆願望 張達明眾星拱照賀健康*←上一篇 │首頁│ 下一篇→*蕭正楠晒翠如靚湯 阿廉唔抵得:小心有毒*