首頁 »
2019/01/07

*得悉盧凱彤死訊崩潰 鍾舒漫籲要伸出援手*

得悉盧凱彤死訊崩潰 鍾舒漫籲要伸出援手





鍾舒漫透露當時知道盧凱彤離世時非常崩潰,唔敢相信。





佢呼籲大家咩事都好,即刻伸手。





自己初出道時情緒偏向負面,其後漸漸改善。





佢又話要把握機向人表達自己嘅感受同愛意,所有人都會開心好多。

  歌手鍾舒漫(Sherman)到電台宣傳本年度首隻跳舞快歌《開心節》,她開心預告下半年將派多兩首新歌:「呢隻歌係想帶出開心其實好易好簡單,細個會因為去旅行而前晚開心到瞓唔着,但大個點解冇咁易?點解(開心)咁奢侈?」

  Sherman又自爆初出道時情緒偏向負面,少少事都覺得好失落,覺得自己好差,但其後愈來愈懂得開心:「會放低咗好多,唔再收埋自己,唔會怕醜向人表達自己嘅感受、愛意,以前會覺得好肉麻,會把握機會去講,會Send Message畀人,有啲說話、關心係即時,所有人都會開心好多。」她坦言香港音樂文化偏向多慘情歌:「做歌手,或者每個人職業都有份責任心去做啲嘢去抗衡一啲唔好嘅嘢。」

  及後講到摯友盧凱彤(Ellen)日前墮樓身亡,Sherman聞言隨即收起笑容,變得認真和嚴肅表示大家都好愛錫Ellen,當得悉噩耗時與妹妹(鍾舒祺)都好崩潰:「唔信(呢件事發生)!相信二汶、佢嘅朋友、家人都需要啲時間。」問到會否擔心Ellen遺孀余靜萍時,Sherman先沉默數秒,然後「嗯」一聲,再續言:「相信身邊會有人睇住、Take Care佢。不過想提醒大家,二汶講得好啱,咩事都好,即刻伸手囉,當你肯伸手,掂到你嘅人就喺附近,呢個係全世界嘅人都會知。」


*贊助商報稅出問題 李鍾碩印尼被沒收護照*←上一篇 │首頁│ 下一篇→*過安檢唔使除黑超外套 唐嫣被指有特權*