首頁 »
2019/01/03

*銅記快閃!郭富城聞方媛瘦到得86磅即話…*

銅記快閃郭富城方媛瘦到得86磅即話





郭富城唔講太太係咪有喜。





郭富城話今日唔講住。





咁下次先囉!





準備落銅鑼灣街頭派發無雙幣。





嚟啦!





幾好笑容!





期間場面一度混亂。





孫佳君晒腿吸睛。





張建聲左手包紮咗繃帶。

  藝人郭富城(Aaron)、張建聲、廖啟智、孫佳君及張松枝出席電影《無雙》的宣傳活動,五人在銅鑼灣街頭派發無雙幣,於派幣前,眾人接受訪問,問到會否擔心場面混亂,Aaron說:「總之係咁派,派晒佢,派快啲咪冇事囉!(驚唔驚有人趁機摸你?)啲人見到啲幣,應該覺得啲幣吸引過我。」提到Aaron太太方媛傳有孕,今日方媛卻在在社交網站自爆得86磅,令不少網民擔心,問到Aaron拍畢電影是否有更多時間陪太太?他不願多談:「今日唔講住。(太太得86磅,好瘦?)其他嘢唔講喇,唔好意思。」到派幣時,他們分兩批人閃派五分鐘,現場有保安保護他們,但期間場面一度混亂。

  該戲在內地上映兩日,票房已有逾億人民幣,城城開心說:「多謝支持,好感激,學莊文強導演話齋好戲希望有好回報,一部電影嘅成功唔單止因爲演員,最重要係導演同有好團隊。我之前同導演去內地宣傳,佢話個劇本2008年已經寫,上年先將個劇本推上大銀幕,佢係十年磨一劍,一定有佢嘅魅力,大家收到個劇本都好興奮,拍完大家都好唔捨得大家,希望有好票房,希望有機會再同莊導演合作。(會唔會謝票?)睇電影公司安排,如果票房好,我哋成個團隊都會好感激。(期望內地票房有幾多?)我唔識,演員一直好被動,部戲出嚟,觀眾會畀答案,希望觀眾會畀個好答案。」

  至於現場所見張建聲的左手包紮了繃帶,他解釋因爲健身而拗傷,Aaron笑他是為配合電影宣傳,因為在戲中張建聲失去了一隻手。Aaron表示五人在戲中飾演犯罪集團成員,今日更夾定以藍色服裝上陣以示默契,希望傳遞團隊精神。


*【無死角女神】阿嬌N式賣萌 網民冧到爆*←上一篇 │首頁│ 下一篇→*張馨予嫁特工 老公:沒有鞋襯得上我老婆*