首頁 »
2018/12/26

*阿B相隔十年再開紅館騷 請素人做嘉賓*

阿B相隔十年再開紅館騷 請素人做嘉賓





阿B相隔十年後在紅館開騷。



 

阿B多年前的唱片封套。





阿B今次會請對音樂有興趣的年輕人上台表演。





阿B重遇當年第一次到台灣拍《小城故事》的導演李行。





阿B被老婆管住,10月中開始閉關。





阿B話自己年輕時都係得到人哋幫助先有今日。

  藝人鍾鎮濤(阿B)將於11月24及25日在紅館開演唱會,今次是他相隔十年開騷,能夠再上紅館,他亦都想幫香港喜歡音樂的人實現紅館夢,發起「要是有緣、紅館見」活動,不限年齡,不限性別,唯一條件是唱得好及未踏足過紅館表演,而被選中的人,就可以做阿B演唱會表演嘉賓。阿B稱見到近年不少喜歡音樂的年青人都會在街頭Busking,但看到近日新聞因旺角街頭嘈音而取消行人專用區「冇得唱」,移施到尖沙咀亦被趕。

  他回想當年溫拿夾band,遇上給他們機會的人,所以先可以唱到現在,他謂:「既然過去係人哋畀機會我,今日我可以有能力,我都想試吓畀番機會後輩。如果你真心唱得好,我又鍾意,咁就upload條唱歌片上facebook,tag我,我會揀兩個真係唱得好,11月上來紅館同我唱。」

  問到阿B是否一定要是街頭Busking先可以參加?阿B話:「唔係,其實唯一條件就係你未去過紅館唱,如自問唱得好聽,咪自己喺屋企拍條唱歌片畀我囉,清唱都得,就算你已經簽咗唱片公司,新人一個,我都歡迎你參加。嗰日黃柏高同我做訪問,佢都話呢個活動好,話會叫佢旗下新人試下。」

  相隔十年再開個唱,阿B指太太范姜幫他設定10月中閉關,禁止他相約朋友吃喝玩樂:「老婆驚我出得去多,惹咗感冒返來,到時開騷唔係最佳狀態就唔好。為免危險,都係乖乖哋除咗練歌,平時都係返屋企閉關好啲。」此外阿B日前於台灣出席李行導演電影音樂會,重遇當年第一次到台灣拍《小城故事》的導演,大家相見甚歡,導演也祝他11月個人演唱會成功。


*聖誕開騷派禮物 陳柏宇教囡囡做人道理*←上一篇 │首頁│ 下一篇→*【無死角女神】阿嬌N式賣萌 網民冧到爆*