首頁 »
2018/09/18

*開餐廳做打雜 黃宗澤寸黃翠如又食又拎*

開餐廳做打雜 黃宗澤黃翠如又食又拎





開新餐廳眾星到賀,黃宗澤自嘲做打雜,寸黃翠如又食又拎!





黃宗澤親自開蠔請大家食。



 

嚟喇!開餐喇!





黃翠如嚟到,第一時間錫錫苗僑偉,冷落了黃宗澤。





黃宗澤再做老闆自嘲做總打雜。





眾星拱照黃宗澤。





洪天明抱住囝囝嚟到賀。





岑麗香





張繼聰





袁偉豪

  藝人黃宗澤(Bosco)的新店在尖沙咀開幕,一眾圈中好友苗僑偉、黃翠如、岑麗香、袁偉豪及張繼聰等到場祝賀。

  再做老闆的Bosco被問今次投資多少?他說:「租同人工都貴呀,七位數係走唔甩。」提到苗僑偉笑指新店擠滿捧場的好友及記者,嫌間舖頭細?Bosco笑言:「佢呢啲咁高輩份,冇過萬呎都嫌細啦!(搵佢夾份?)有上市、或者過二十間連鎖店嘅計劃先好煩佢老人家。(之前話夾份做打邊爐生意?)呢啲小生意,佢講完就唔記得啦!(唔夠銀彈陪佢?)我係唔夠膽呀!」提到Bosco投資穩健,他笑言:「我都係慣落手落腳做,我哋有總廚、總經理,我就係總打雜,咩都關我事。」

  同場的黃翠如笑指到其餐廳食飯不用「找數」,Bosco聞言笑說:「呢啲難聽過粗口呀,咪又係我畀,應該講清楚係我請客。(佢仲叫你送股份?)又食又拎咪呢啲囉!」在節目《美女廚房》中煲粥成熱話的翠如,笑言可以到店幫手煮「蠔仔粥」,Bosco表示:「我哋做西餐喎!佢前晚仲話會低胸露背嚟,點知佢又話冇借裙,我話咪點我呀,我屋企有條裙借畀佢!(點解有條裙?)畀條圍裙佢!(冇叫緋聞女友陳嘉桓?)有叫佢,佢之前都有搵我訂位食飯。(有冇畀錢?)有,呢啲咪好兄弟!講起翠如就嬲嬲豬呀我!」提到前度胡杏兒有送上花牌,Bsoco表示有通知她,對方亦有送恭喜。


*誘佳仁吸毒 朴某被不拘留立案查通話紀錄*←上一篇 │首頁│ 下一篇→*結束25年婚姻 朴海美上周與酒駕老公離婚*