首頁 »
2018/08/30

*晒命有好男友 楊丞琳錫錫王心凌嗌正*

晒命有好男友 楊丞琳錫錫王心凌嗌正





有冇顧過人哋未有男朋友嘅心情?





Rainie開騷搵咗Cyndi做嘉賓。





錫錫。





Rainie大讚Cyndi個嘴唇好軟好好錫。





Rainie話大家私底下會約食飯,絕對冇暗鬥。

  近日參與內地節目《新舞林大會》令人眼前一亮嘅台灣歌手楊丞琳(Rainie),繼續為世界巡迴演唱會四出演唱同「房東」會面,前日就去到北京場,亦都係Rainie首次喺北京開騷,佢專登請嚟事隔四年冇同台嘅好友王心凌(Cyndi)「快閃」助陣,大唱Cyndi嘅青春味十足經典歌《當你》,佢哋唱完仲即場玩錫錫,令台下Fans睇到係咁尖叫﹗Rainie錫完抵死話︰「妳的嘴唇好軟哦,好好親。」搞到Cyndi面到紅晒﹗

  之後Rainie坦言希望對方可以早日搵到好歸宿:「我最實際的祝福就是趕緊有一個很好的人可以讓她非常幸福,像我一樣。」Cyndi隨即「反撃」嗌起Rainie男友李榮浩嗰名:「阿榮,你在哪裡?」笑翻全場﹗

  從來冇暗鬥

  二人過去曾經因為「可愛教主」、「甜蜜教主」封號,令相方Fans為咗「護主」而互相有拗撬,當晚Cyndi就為呢件事解畫,笑話︰「私下我們都是好朋友。反而我們的歌迷小時候都愛鬥來鬥去的,所以我很期待歌迷的反應。」而Rainie就繼續講:「我們不僅會約出來吃飯,到彼此家裏,也會一起運動,從來都沒有外界認為的『瑜亮』情節或者是暗地較勁。」之後仲大爆無論自己出專輯、開演唱會,Cyndi都會默默捧場︰「甚至是今年生日我都請她幫忙訂餐廳,之後她還直接埋單,讓我一直感念在心。」


*唔着好褲出街?!珍妮花奇特打扮惹劣評*←上一篇 │首頁│ 下一篇→*【撻着慈母Mode】小S帶女入廚從小培養興趣*