首頁 »
2018/08/27

*《如懿傳》首播撼《延》 周迅被批鵝公喉*

如懿傳首播撼周迅被批鵝公喉





大家點睇?





網友反應熱烈。





43歲嘅周迅喺劇中要由17歲少女演起。





網友唔係好Buy周迅呢個造型,仲話佢條巾好似女童軍。





陳沖飾演周迅姑媽。





鄔君梅飾演太后。





相隔三十年再度合作!





陳沖與鄔君梅當年喺電影《末代皇帝》中曾合作。

  兩部內地劇集《如懿傳》同《延禧攻略》尋晚正式打對台,中港台成千上萬嘅劇迷真係好唔得閒,煲完一部又一部之餘,仲要做埋花生友,批評吓首播嘅《如》劇,當然有彈有讚,平分春色!

  當中最大花生亮點,就係話《如》嘅服裝同布景等等,同《延》相比下爭一大截。一開場霍建華喺紫禁城跑,網民話以為孔雀喺度跑呀,事關佢件衫又藍又綠!另外,43歲嘅周迅喺《如》劇中一開頭要由17歲少女演起,劇組可能為咗幫佢逆齡,佢每次出場時,條頸都會綁住條又紫又綠嘅巾,有網民形容好似女童軍!

  此外,周迅把聲出名低沉,今次佢親自配音,但就有正反兩極反應。有網友話頂唔住佢把聲太低,甚至覺得太沙,但同時又有唔少網友話部劇全靠周迅把聲,話佢齋靠把聲已經勁有戲味,嘩!把聲都識演戲?而內地女星謝娜都有支持佢,喺微博留言:「有很多女生從小就不是小細嗓,很特别啊!」當然周迅個樣都一樣被批,有啲話唔應該畀太多大頭Shot,又懷疑劇組做咗手腳,搞到佢個樣好有「玻尿酸feel」,但又有網民話佢以前係劇集收視保證,仲使乜靠樣!

  論好戲,當然係相隔三十年再度合作嘅陳沖同鄔君梅,當年佢哋係電影《末代皇帝》已經交過手,堅係宮廷劇始祖。陳沖今次喺《如》飾演周迅姑媽,鄔君梅就飾演太后,一場講數嘅戲份唔少網友大讚。


*轟甄珍教出裙腳仔 劉家昌鬧爆劉子千反骨*←上一篇 │首頁│ 下一篇→*坐輪椅復工 猪狩友香望今後挑戰傷健運動*