首頁 »
2018/08/21

*離婚搞足兩年 王寶強已經搵到第二春?*

離婚搞足兩年 王寶強已經搵到第二春





到底……係邊個嚟?!





王寶強(左)被拍得同一位高挑女子深夜散步。





對方仲上埋王寶強屋企換褲,又同王寶強一對仔女表現熟絡。





不過該女子就高佢成一個頭。

  內地男星王寶強於2016年8月14日突然發出離婚聲明,直指太太馬蓉跟自己的經理人宋喆有婚外情,震驚娛樂圈。婚變事件擾攘至今足足兩年,如今兒子由王寶強撫養,女兒由馬蓉撫養。

  不過最近王寶強就被大陸媒體拍到與一位高挑女子一同湊小朋友返屋企。相中見該女子同王寶強仔仔王子豪互動,似乎相當熟絡,而眾人中途仲上咗王寶強屋企,該女子就由短裙換上屋企褲,再與王寶強飯後散步至深夜,令網友揣測佢已經「入晒屋」,估對方身份有可能係王寶強新歡。

  另外又有網友指偶遇王寶強帶仔女睇話劇,王寶強表現非常低調,頭戴棒球帽同口罩,包到實一實,同行仲有一位者還有一位身形高挑嘅女士,佢拖實王寶強囡囡手仔,未知同疑似新歡係咪同一人。


*朴寶劍新廣告曝光 宋慧喬為拍新劇Keep Fit*←上一篇 │首頁│ 下一篇→*年近半百 辣媽珍妮花谷行事業線拍廣告*