首頁 »
2018/06/27

*學識嗌交有唔同方法!丁子高爆千嬅會郁手*

學識嗌交有唔同方法丁子高千嬅會郁手





丁子高同楊千嬅夫妻檔出席活動,公然耍花槍!





兩公婆現身主題樂園,不過唔係玩,係宣傳電影!





丁子高笑言套戲令佢學識原來嗌交都有唔同方法!





佢仲話想老婆做「冰條俠」,如果有嘢想雪凍,可以搵佢!





千嬅就想老公有隱形能力!





兩人又話接呢個工作全因為仔仔Torres!





仲話Torres都自薦想配音!





講到酬勞,佢哋就話係開心價!

  歌手楊千嬅與老公丁子高夫妻檔現身主題樂園,為首次合作配音的電影動畫宣傳。活動中主持人問到千嬅配音時可感到難度?她表示戲中打鬥時需要用聲演配合,笑話:「啲反應都要演出嚟,配音嗰時周身郁,覺得自己好好打咁。」第一次配音的丁子高就話比想像中難,配音時要七情上面:「扮畀人打真係好少!」此時,千嬅插嘴話:「你早講啦!」丁子高反擊:「你最多都係郁手,人哋係踢㗎!」千嬅笑爆還擊:「我都踢到!」二人妙語連珠的對話,令全場觀眾大笑!

  千嬅想老公隱形

  千嬅續話希望今次配音工作可以令仔仔Torres留下美好回憶:「唔係平時着衫扮,Daddy、Mammy係真係做超人。」她又指希望在戲中可以從父母角度,用喜劇方式講道理給小朋友聽。最後主持人問到二人最想對方有何超能力?丁子高先答想千嬅變身「冰條俠」,抵死笑話:「如果有嘢想雪凍,就可以搵佢,不過就唔想有冰條俠瞬間轉移,驚同佢傾偈唔啱聽嘅時候,唔知變咗我去邊。」千嬅即大笑,繼而話想丁子高有隱形能力:「佢又好好奇,又係『低調高手』,可以畀佢周圍去。」

  唔鍾意嗌交

  主持人再問戲中二人都會經常嗌交,現實中又如何?千嬅指夫妻久不久都有意見不合的時候,但唔鍾意成日嗌交,因為要型!身旁的丁子高打趣話:「套戲令我學識原來嗌交都有唔同方法,例如…」接着丁子高做挺胸動作,千嬅笑問:「如果我見到呢個動作要有咩反應?」丁子高霸氣話:「彈開!」二人大放笑彈!

  仔仔自薦配音

  活動後二人移師室內做訪問,千嬅表示答應聲演前先問仔仔Torres意見,問到有否率先給仔仔看?她笑話:「冇呀,好保密㗎!」她又重申是次工作全因為仔仔,又爆他自薦問「咁我呢?」:「我就同佢講『你太細個,等你講嘢要清楚啲先!』就乘機叫佢學講嘢。」千嬅續話Torres經常周圍走,自己都要不停健身操弗才夠力氣照顧他。

  酬勞係開心價

  二人講到今次是分開配音,一早做好功課看畢兩集電影,丁子高說:「有佢(千嬅)錄咗先就好啲,可以接番落去。」而且因為上一集是吳鎮宇及郭藹明配音,都大感壓力。丁子高又覺得今次配音好有「家」的感覺:「佢(千嬅)入面嘅對話語氣就好似喺屋企聽到咁,有一幕係喺床上面,真係好似一瞓低就係床,即刻瞓着。」問到富有配音工作經驗的千嬅可有教老公?她笑話沒有,因為有專業配音員教導,至於今次夫妻檔酬勞是否好「和味」,二人笑話是開心價。


*酷熱警告古裝谷戲 陳展鵬熱到甩鬚:天命*←上一篇 │首頁│ 下一篇→*停工造人!「雙面人」林依晨嚇窒老公*