首頁 »
2018/06/27

*酷熱警告古裝谷戲 陳展鵬熱到甩鬚:天命*

酷熱警告古裝谷戲 陳展鵬熱到甩鬚天命





陳展鵬在酷熱警告下穿上古裝谷戲,真係熱到甩鬚,他順便宣傳新劇,大呼《天命》!





眾藝人在烈日下大合照,真係熱到滾!





仲要耍功夫…





笑容的背後都是汗水…





滴汗…抹汗…





要識搵位企,好似陳展鵬咁,企正喺大風扇前面先做訪問,咁就啱喇!





執番個裝先!





撳住假鬚先…




 
黐鬚…





再撳…





再黐…

  無綫新劇《天命》演員陳展鵬、譚俊彥、李施嬅、姚子羚、張國強、陳山聰、何雁詩和何廣沛等在酷熱天氣警告下身穿古裝在中環摩天輪宣傳。眾演員在烈日當空下玩遊戲,清裝戲服毛領包到上頸,還戴上帽子,熱得汗流浹背,相當辛苦,陳展鵬玩遊戲時更熱到甩鬚,要連忙抺汗補妝。

  被問着古裝宣傳可覺得被大整蠱?陳展鵬笑說:「可能想觀眾睇到我哋拍古裝劇有幾辛苦,就算做宣傳都有血有汗,希望觀眾支持《天命》啦!(熱到甩鬚?)係呀,直情爆鬚,上次喺室內宣傳又唔着古裝,今次咁好天氣,喺室外就着古裝,幾勁呀,真係估佢唔到,真係《天命》呀!(有冇見暈唔舒服?)咁又冇,都OK嘅,最驚係毛領,拍嗰陣條頸都整到有濕疹。(宣傳會辛苦過拍劇?)咁又唔會,不過真係唔想再黐鬚,因為一講嘢就爆鬚,真係爆騷就好啫。」


*預祝74歲生日!劇組為秦沛送上蛋糕*←上一篇 │首頁│ 下一篇→*學識嗌交有唔同方法!丁子高爆千嬅會郁手*