首頁 »
2018/06/27

*地獄廚神嚇喊蘇永康囝囝 胡定欣驚嫁唔出*

地獄廚神嚇喊蘇永康囝囝 胡定欣驚嫁唔出





胡定欣逃唔過BB法眼,連蘇永康囝囝Jazz都驚咗佢呀!





定欣笑言小朋友都畀佢整喊,應該嫁唔出喇!





定欣同蘇永康(右)及胡杏兒兩公婆食飯,Jazz去返爸爸度即刻唔喊!





「地獄廚神」果然唔係浪得虛名!





胡定欣ig

  「皇后」胡定欣早前喺《美女廚房》嘅表現嚇親網民,成功加入「地獄廚神」行列,估唔到連BB都怕咗佢!呢日佢相約好姊妹胡杏兒及老公李乘德(Philip)、蘇永康及囝囝Jazz飯敍,期間定欣抱起Jazz合照時搞到對方喊晒,令佢都忍唔住大呻驚嫁唔出,佢話:「唔關我事架(㗎),唔關我事架(㗎)。我地(哋)明明襯咗色,應該係同一隊,Jazz…你俾(畀)下(吓)面姐姐啦,我已經畀人知道我係『地獄廚神』,煮野(嘢)食係『生』架(㗎)啦,如果再俾(畀)人知道整喊細路,我……應該嫁唔出架(㗎)啦…下次再見你,你要笑下(吓)啦,知道嗎?」當Jazz重投爸爸懷抱即刻收晒聲唔再喊,網民都笑言細路都驚咗「地獄廚神」呀!

關鍵字: 合照

*為造謠者祈禱 張衞健自嘲:真的挺像被抓*←上一篇 │首頁│ 下一篇→*預祝74歲生日!劇組為秦沛送上蛋糕*