首頁 »
2018/06/20

*楊丞琳被踢爆整容?黄子佼:她整得自然*

楊丞琳被踢爆整容黄子佼她整得自然





大家點睇先?





講真佢個樣係冇變過,出道同依家一樣樣。





黄子佼(右)明玩嘢,笑Rainie「整得自然」。





新片Rainie仲扮緊學生,純到呢~





初出道嘅呢個Look,真係好有集體回憶。





都真係幾凍齡。

  台灣女星楊丞琳(Rainie)係圈中數一數二「正素顏」代表,出道18年都冇變過,年屆34嘅佢仲愈嚟愈有女人味添~不過講到佢個童顏靚樣,都有好多人存疑,呢啲逆天凍齡又真係唔知有冇加工過?

  呢排佢就同藍正龍上咗黃子佼新節目,本身都係諗住宣傳吓新劇出街,不過傾傾吓,有網友大讚Rainie多年嚟都咁清麗,仲多咗女人味,點知黃子佼意有所指地回覆:「其實整形這種事也沒礙到別人,我覺得也沒關係啦。」而Rainie就謙虛話:「我是剛好幸運啦!」黃子佼乘勝追擊,忽然拋下一句:「她是整得自然!」嚇到Rainie高八度否認,不過都係畀黃子佼死咬住唔放,話佢塊面變細,仲問佢係咪削骨,激到Rainie係咁叫工作人員拎出舊照同依家個樣做對比圖,力證清白。而身旁嘅藍正龍就一路食花生,好在黃子佼最後都話知道佢係純天然靚樣,純粹講吓笑啫。


*歷代白素逐個捉 王祖賢舒淇蒙嘉慧都做過*←上一篇 │首頁│ 下一篇→*勁讚廚藝!周柏豪諗住層樓寫老婆名*