首頁 »
2018/04/30

*就快結婚周年!城城率先送驚喜畀方媛?*

就快結婚周年城城率先送驚喜畀方媛





方媛係抵錫嘅!難怪城城對佢咁好。





方媛食食吓飯收到一大紮玫瑰花。





仲有5日就係結婚周年,唔知城城送咩驚喜畀老婆呢?

  仲有五日就係天王郭富城同方媛嘅結婚周年,方媛早前講過話不設防全力追仔為郭家繼後香燈,咁識做難怪城城錫到佢燶,提早喺結婚周年前送驚喜畀老婆。方媛尋日就喺社交網上載一張攬住一大紮玫瑰花嘅相,然後留言話:「Surprise~吃飯居然收到了這麼美麗的花,謝謝我們的CEO,我最愛的粉色。」方媛雖然冇講明「CEO」係邊個,但網民都估係城城送嘅,認真sweet!不過方媛所指嘅「CEO」其實係城城經理人小美,事源大家都知道小美係公司CEO,所以大家都會以「CEO」嚟稱呼小美。

  有眼利網友就話方媛捧花相打扮同佢兩日前貼嘅照片髮型一樣,估計紮花應該係同日送。

關鍵字: 網友 驚喜

*沉寂5年 朴春受訪親談涉毒指控*←上一篇 │首頁│ 下一篇→*被爆5月嫁人!37歲阿嬌冇否認婚訊*