首頁 »
2018/04/17

*趙又廷反擊「玩出禍」 意外洩林更新戀情*

趙又廷反擊玩出禍 意外洩林更新戀情





林更新原先上載左下角張相,毀趙又廷形象,點知趙又廷咁大反擊!





呢張只係其中一張!





其實係九張連環圖,相中嘅趙又廷(右)「鬆郁矇」!





點知趙又廷反擊時,意然洩露對方戀情,網民認出右邊係緋聞女友王麗坤!





趙又廷刪咗張相再上載呢張,但一切太遲喇!





不過林更新都冇嬲豬嘅!





林更新同王麗坤拍電影《西遊伏妖篇》而傳出緋聞!





王麗坤

  大陸小生林更新同台灣男星趙又廷因為拍戲而成為好友,林更新呢日喺微博上載兩人多張連環合照,留言「好久不見我的好朋友了」,但相中嘅趙又廷「鬆郁矇」,型男形象盡毀,搞到趙又廷要反擊晒對方醜樣照,點知意外令林更新嘅戀情曝光!

  相中嘅林更新一頭亂髮,但點知見到佢隔籬有個女人,兩人戴住黑超着上情侶裝,女方只露出一部分臉孔,但眼利嘅網民一眼就認出係緋聞女友王麗坤,兩人因合演電影《西遊伏妖篇》而傳出緋聞,原來真係擦出愛火!

  未幾,睇嚟趙又廷知道「玩出禍」,刪咗張相重新上載「放大版」林更新,留言解釋「不夠大」,不過一切都太遲喇…網民都留言「你秒刪,你兩就互相傷害着」、「剛剛看到了情侶衫」、「把王麗坤截了」,但林更新都冇嬲到仲同趙又廷講「愛你,老弟」,唔通男神真係封盤喇?


*誠實的歌手!EXO-CBX唔再用增高鞋墊*←上一篇 │首頁│ 下一篇→*網上宣布蠔吧結業 馬德鐘即飛內地做嘢*