首頁 »
2017/09/28

*香港再開秀!56歲張學友世巡誓破紀錄*

香港再開秀56歲張學友世巡誓破紀錄





56歲都咁Fit!歌神果然係歌神呀!





學友由成都抵香港機場,「忠粉」專程嚟到接機呀!





嘩嘩嘩~就嚟零距離呀~~~





笠住帽加戴口罩嘅學友非常親民,佢笑言都估唔到可以應付咁多場騷!





上次18個月內做咗146場演唱會嘅學友,今次9個月已經完成103場騷!





連佢都話應該會破紀錄呀!





佢仲預告香港場有Part 2呀!!大家到時又要撲飛喇!





張學友

  歌神張學友的《A Class Tour學友經典世界巡迴演唱會》由去年底在北京揭幕,已經走遍了內地超過40多個城巿,還有香港、澳門、台北及新加坡等。而學友就由成都抵香港機場,有十數個「忠粉」專程去接機。剛在成都連唱兩場的學友,在9個月內以驚人的體力完成了103場巡唱,而他對上一次2010至2012年舉行的世界巡唱,在18個月內做了146場演唱會,即使新一代「歌神」陳奕迅對上一次歷時三年多、走遍大半個地球合共舉行了135場巡唱,也望塵無及!相隔5年,學友將會再破自己保持的場數紀錄,果然是歌神中之歌神!

  做騷易過食生菜

  笠住帽戴上口罩的學友,在粉絲包圍下步向停車場,健步如飛的學友被問到攰嗎?他笑說:「OK喎!(做咗103場騷?)係呀,做得幾開心,好似有啲進步!(邊方面?)我覺得喺做騷、唱歌各方面,都好正!(9個月內做咗百場騷,真係好快?)快呀,快過上次!(會唔會破到你上次18個月唱146場紀錄?)應該會破。」學友今年56歲,體力依然弗到爆,他笑說:「其實都估唔到,開頭我都驚驚哋,但好似冇乜嘢咁(指做騷),幾開心!(你撈晒,人哋唔使撈!)車,唔關事,各做各啫,唔關場數問題。」

  會開Part 2

  學友之前在紅館的23場騷,門票秒殺,一票難求,問到他會否再在港開Part 2?他坦言:「會呀,返嚟錄(影),因為上次我未錄(影),不過未知幾時,未訂場。」下一站學友將到貴州,緊接是到家鄉天津開唱。據知學友目前的巡唱暫時排到明年3月,除了內地多個城巿,還有星馬、泰國、美加、歐洲,因為有些地方反應熱烈,徇眾要求下將會加場演出,包括台北、新加坡、北京、深圳等地。


*林敏驄作狀親手搭肩 許瑋甯超害羞!*←上一篇 │首頁│ 下一篇→*與家人失聯 珍妮佛洛佩茲捐3千萬賑災*