首頁 »
2017/09/26

*海拔3千米!吳君如現高山症吸氧氣保命*

海拔3千米吳君如現高山症吸氧氣保命





吳君如去咗青海海拔3,120米嘅地方做嘢,佢搞笑咁話個肺就爆喇!





君如帶咗包薯片上山,話要睇吓呢包薯片可唔可同佢捱到落返山!





爆漿瀨尿牛丸個Friend:脹爆薯片!





講講吓,君如話冇晒氣,仲叫助手畀個氧氣筒佢吸!





要吸一吸先可以繼續行!





小心為上呀!




 
之後君如再上載另一條片,餅乾都一樣咁脹爆!





吳君如facebook

  女星吳君如向來多瓣數,近日佢就去咗青海做嘢,仲不時喺網上同大家玩直播分享工作點滴。呢日就見到紮住古裝頭嘅君如包到實一實,可想而知天氣係幾咁凍,佢仲同大家講依家身處喺青海海拔3,120米嘅地方,仲話喺香港帶咗包薯片上去!嘩~見到包薯片非常脹,難怪君如都話感覺到包薯片就嚟爆,仲話自己個肺都好似會爆咁!

  之後君如一路行一路講,就話由於喺一個海拔咁高嘅地方所以要行得好慢,感覺好似腦缺氧,仲話:「0.5km要行10幾分鐘。」雖然辛苦,但君如都話周圍環境好靚,仲搞笑問大家佢個頭靚唔靚。不過講講吓,君如都話冇晒氣,仲叫助手畀個氧氣筒佢吸,要吸一吸先可以繼續行呀!最後君如仲同大家講由於喺酒店嗰兩包薯片都已爆開,所以要睇吓呢包薯片可唔可同佢捱到落返山。

  隨後,君如再上載一段片,同大家晒吓啲零食,除咗包薯片外,仲有餅乾都一樣咁脹爆,唔少網友都留言叮囑君如要小心,仲搞笑話會繼續留意佢包薯片最後會唔會爆呀!

關鍵字: 女星 網友 分享 地方

*獲中國財團撐 草彅剛三子進軍大陸*←上一篇 │首頁│ 下一篇→*拿女兒當實驗品 賈靜雯圓髮型師夢*