首頁 »
2016/11/23

*AV女優瘋狂挑逗 怕老婆張繼聰嚇到眼凸*

AV女優瘋狂挑逗 怕老婆張繼聰嚇到眼凸





呢單嘢真係鹽花不足、搞笑有餘!





張繼聰真係硬晒軚㗎。





佢完全冇正眼望過沖田杏梨。





大合照時,佢直頭嚇到眼都凸埋。





一係就擰歪面,拒絕同沖田杏梨有任何眼神接觸。





張繼聰笑言老婆謝安琪成日Check住佢。





一講錯嘢就會收電話,相信謝安琪都係為佢好啫。





同場仲有達哥。





沖田杏梨今日嘅打扮都真係好惹火嘅。





張繼聰夠膽將啲家事揚出嚟,證明謝安琪都唔算好「妻管嚴」啫。

  藝人張繼聰、網絡紅人達哥、日本AV女優沖田杏梨及模特兒Sora現身遊戲機品牌活動,四人分別cosplay遊戲內的角色。以性感打扮現身的AV女優沖田杏梨大騷波底,與戴上單眼眼罩的阿聰拗手瓜時,不時烏身踎低露底兼狂un,仲揚言對阿聰同達哥有感覺。不過阿聰就笑言自己單眼所以睇嘢係2D,亦會目不斜視。

  每日同囝囝玩半個鐘遊戲機

  阿聰接受訪問時,透露由細到大都好鍾意打機,加上網民都話自己好似遊戲裏面其中一個角色,所以玩嘅時候特別親切。提到cosplay,阿聰笑言cosplay可以令生活增加情趣,例如自己回到家會cosplay好爸爸、好老公。問到仔仔可有打機習慣,阿聰指每日都有同仔仔打30分鐘遊戲機,但要適可而止,不過他指太太Kay就冇一齊打。

  爆講錯嘢即收電話

  提到現場的AV女優,問到可有欣賞過對方的作品,阿聰笑言:「冇,我中學嘅時候比較多睇日劇,好少睇依啲,依家答問題要好小心,要答得好仔細,我老婆會睇我facebook,講錯嘢就好快收到電話。(老婆會呷醋?)冇呀,都係工作啫,依個係一個好莊重好隆重嘅活動。」另問到太太狀況,阿聰直言狀態很好,因為BB在肚內會有郁動,所以經常與BB有互動。

關鍵字: 藝人 互動 合照 訪問

*加州現身?疑似馬蓉宋喆賭場耍樂*←上一篇 │首頁│ 下一篇→*李嘉欣許晉亨結婚八周年晒相放閃*