首頁 »
2019/06/24

*獨遊西藏!田蕊妮「旅伴」現高山反應死咗*

獨遊西藏田蕊妮旅伴現高山反應死咗





希望盡快冇事啦!





其實係講緊部相機。





阿田冇任何事。





佢帶咗部相機返酒店。





希望佢好好休息。





阿田已經順利到達拉薩酒店。



 

仲去咗「風轉咖啡館」歎咖啡兼打卡。





入面好有香港特色。





希望你快啲好番啦!

  「視后」田蕊妮(阿田)早前透露一個人去西藏玩兩個星期,佢終於都出發咗啦!話晒第一次一個人出遠門,所以阿田全程喺社交網更新近況,見佢已經到咗拉薩,同大家報平安話冇高山反應,但點知同佢同行嘅戰友,即係佢部相機就竟然有事,她留言:「我本人冇任何高山反應,但係部相機有,影咗幾張相之後佢就死咗機喇!」雖然係咁,但仍然冇損佢去玩心情,仲去埋旅遊寫作人薯伯伯(Pazu)開設「風轉咖啡館」歎咖啡兼打卡。

  返酒店準備休息時,阿田仲不忘為戰友加油打氣,叫佢要好好休息:「你今晚好好休息吓!希望你嘅高原反應可以好番,我再帶你出去威威!」咁又係呀,話晒旅程先係啱啱開始,戰友你要頂住呀!

關鍵字: 心情 特色

*自認緊張父母!陳凱琳爆囝囝似足嘉穎咁怕…*←上一篇 │首頁│ 下一篇→*何猷君求婚成功 舊愛Yumi有話兒?*